కే3 కోటికొక్కడు చిత్రం జూన్ విడుదల

కిచ్చా సుదీప్‌ – శివ కార్తిక్‌-  శ్రేయాస్‌ శ్రీనివాస్‌, దేవేంద్ర డీకే-గుడ్ సినిమా గ్రూప్ ‘కే3 కోటికొక్కడు’ చిత్రం జూన్ 17న గ్రాండ్ రిలీజ్

కన్నడ స్టార్ హీరో కిచ్చా సుదీప్‌ కథానాయకుడిగా శివ కార్తిక్‌ దర్శకత్వంలో రూపొందిన భారీ చిత్రం ‘కే3 కోటికొక్కడు’. గుడ్ సినిమా గ్రూప్ బ్యానర్ పై  శ్రేయాస్‌ శ్రీనివాస్‌, దేవేంద్ర డీకే సంయుక్తంగా నిర్మించిన ఈ చిత్రం ఇప్పటికే కన్నడలో విడుదలై బ్లాక్ బస్టర్ విజయాన్ని అందుకుంది.  దాదాపు 60 కోట్ల పైన వసూళ్ళు సాధించింది.

సుదీప్ కెరీర్ లోనే అత్యధిక వసూళ్లు సాధించిన చిత్రంగా రికార్డు సృష్టించిన ఈ చిత్రాన్ని తెలుగు కూడా భారీ విడుదలకు నిర్మాతలు సన్నాహాలు చేస్తున్నారు. మాస్ అండ్ యాక్షన్ ఎంటర్టైనర్‌ రూపొందిన ఈ చిత్రంపై తెలుగులో మంచి అంచనాలు వుండటంతో సరైన డేట్ కోసం వేచి చూసిన నిర్మాతలు.. తాజాగా జూన్ 17న చిత్రాన్ని గ్రాండ్ విడుదల చేస్తున్నట్లు నిర్మాతలు ప్రకటించారు.

మడోన్నా సెబాస్టియన్‌, శ్రద్ధాదాస్‌ కథానాయికలుగా నటించిన ఈ చిత్రం తెలుగు ట్రైలర్ ఇప్పటికే విడుదలై అన్ని వర్గాల ప్రేక్షకులని ఆకట్టుకుంది. అలాగే ఈ చిత్రం నుండి విడుదలైన ఫస్ట్ సింగల్ కి కూడా మంచి రెస్పాన్స్ వచ్చింది. ఈ చిత్రం మ్యూజికల్ ప్రమోషన్స్ లో బాగంగా మరో మూడు పాటలని విడుదల చేయడానికి సన్నాహాలు చేస్తున్నారు. అలాగే మూవీ ప్రమోషన్స్ ని కూడా స్పెషల్ ప్లాన్స్ చేస్తున్నారు నిర్మాతలు.

హీరో కిచ్చా సుదీప్ కెరీర్‌లో అత్యధిక వసూళ్లు సాధించిన చిత్రంగా రికార్డు సృష్టించిందని, తెలుగులోనూ  ‘కే3 కోటికొక్కడు’ మంచి విజయం సాధిస్తుందని వెల్లడించారు నిర్మాతలు.

తారాగణం : కిచ్చా సుదీప్, మడోన్నా సెబాస్టియన్, శ్రద్దా దాస్, రవి శంకర్  తదితరులు
టెక్నికల్ టీం:
దర్శకత్వం: శివ కార్తీక్
బ్యానర్ : గుడ్ సినిమా గ్రూప్
సమర్పణ : స్పందన పాసం, శ్వేతన్ రెడ్డి
నిర్మాతలు  : శ్రేయాస్ శ్రీనివాస్, దేవేంద్ర డీకే
మాటలు : కే రాజేష్ వర్మ
సంగీతం: అర్జున్ జెన్యా
డీఓపీ : శేఖర్ చంద్రు
ఎడిటర్ : ప్రవీణ్ ఆంటోని