పారిజాత పర్వం చిత్రం టీజర్ లాంచ్ ఈవెంట్
పారిజాత పర్వం చిత్రం టీజర్ లాంచ్ ఈవెంట్
పారిజాత పర్వం’ టీజర్ చాలా ఎక్సయిటింగా వుంది. సినిమా తప్పకుండా మంచి విజయం సాధిస్తుంది: కాన్సెప్ట్ టీజర్ లాంచ్ ఈవెంట్ లో క్రియేటివ్ డైరెక్టర్ తరుణ్ భాస్కర్
చైతన్య రావు, సునీల్, శ్రద్ధా దాస్, మాళవిక సతీశన్ ప్రధాన పాత్రలలో వనమాలి క్రియేషన్స్ బ్యానర్ పై సంతోష్ కంభంపాటి దర్శకత్వంలో మహీధర్ రెడ్డి, దేవేష్ నిర్మిస్తున్న హిలేరియస్ క్రైమ్ కామెడీ ఎంటర్ టైనర్ ‘పారిజాత పర్వం’. ఇప్పటికే విడుదలైన ఈ చిత్రం టైటిల్ ఫస్ట్ లుక్ కి రెస్పాన్స్ వచ్చింది. తాజాగా క్రియేటివ్ డైరెక్టర్ తరుణ్ భాస్కర్ ‘పారిజాత పర్వం’ కాన్సప్ట్ టీజర్ ని లాంచ్ చేశారు.
చైతన్య రావు తన కిడ్నాప్ ప్లాన్‌ని చెప్పడంతో టీజర్ ఆసక్తికరంగా ప్రారంభమవుతుంది. వైవా హర్ష, మాళవిక సతీశన్ అతనిగ్యాంగ్ మెంబర్స్. కిడ్నాప్‌లు చేసే మరో ముఠాకు లీడర్ సునీల్. ‘కిడ్నాప్ ఈజ్ ఏన్ ఆర్ట్’ అని చెప్పడం ఇంట్రస్టింగా వుంది. శ్రద్ధాదాస్, శ్రీకాంత్ అయ్యంగార్ ఇతర ప్రముఖ తారాగణం టీజర్ ద్వారా పరిచయం చేశారు. సునీల్, హర్ష మధ్య జరిగిన ఫోన్ సంభాషణ టీజర్‌లో హిలేరియస్ గా ఉంది. నటీనటులందరూ అద్భుతంగా చేశారు. రీ బ్యాక్‌గ్రౌండ్ స్కోర్ మరింత వినోదాన్ని పెంచింది. కాన్సప్ట్ టీజర్ సినిమాపై మంచి అంచనాలను నెలకొల్పింది.
కాన్సప్ట్ టీజర్ లాంచ్ ఈవెంట్ లో డైరెక్టర్ తరుణ్ భాస్కర్ మాట్లాడుతూ.. ఈ వేడుకకు నన్ను కిడ్నాప్ చేసి తీసుకొచ్చారు( నవ్వుతూ). అంటే .. ‘కిడ్నాప్ ఈజ్ ఏన్ ఆర్ట్’ అనే చెప్పాలి. నాకు క్రైమ్ లో కామెడీ కనిపిస్తుంటుంది. ఇలాంటి సినిమాలు థియేటర్ లో చూస్తున్నపుడు చాలా సరదాగా వుంటుంది. ‘పారిజాత పర్వం’ టీజర్ నాకు చాలా ఆసక్తికరంగా, ఎక్సయిటింగా అనిపించింది. ఈ సినిమా కోసం ఆసక్తిగా ఎదురుచూస్తున్నాను. చైతన్య, హర్ష అంటే నాకు చాలా గౌరవం. వాళ్ళ జర్నీ ఎక్కడినుంచి మొదలైయిందో తెలుసు. వాళ్ళ జర్నీని చాలా మంది ఒక స్ఫూర్తిగా తీసుకుంటున్నారు. అందుకే వారి పాత్రలని నటనని అంత ఇష్టపడుతున్నారు. చైతన్య అద్భుతమైన నటుడు. తను ఎంచుకుంటున్న పాత్రలు, సినిమాలు చాలా యూనిక్ గా ఉంటునాయి. ఈ సినిమా కూడా పెద్ద విజయం సాధించాలని కోరుకుంటున్నాను. నిర్మాతలకు, చిత్ర యూనిట్ అందరికీ ఆల్ ది బెస్ట్.
చైతన్య రావు మాట్లాడుతూ.. తరుణ్ నా లక్కీ చార్మ్. కీడాకోలాతో అది ప్రూవ్ అయ్యింది. నేను అతనకి నేను పెద్ద అభిమానిని. తరుణ్ న్యూ ఏజ్ ఫిల్మ్ మేకర్. పారిజాత పర్వం’ కాన్సెప్ట్ టీజర్ తరుణ్ లాంచ్ చేయడం చాలా ఆనందంగా వుంది. తరుణ్ బిగ్ థాంక్స్. తను రావడంతో ఒక ధైర్యం వస్తుంది. కీడాకోలా లానే ఈ సినిమా కూడా పెద్ద విజయం సాధిస్తుంది. ఇందులో సునీల్, శ్రద్ధా దాస్, మాళవిక సతీశన్ ఇలా అందరి పాత్రలు చాలా బావుంటాయి. ముఖ్యంగా హర్ష పాత్ర మామూలుగా వుండదు. అద్భుతంగా చేశాడు. అలానే సునీల్ అన్న పాత్ర కూడా చాలా బావుటుంది. రీ అద్భుతమైన మ్యూజిక్ ఇచ్చారు. టీంలో పని చేసిన అందరికీ ధన్యవాదాలు. ఇంత మంచి టీం ఇచ్చిన నిర్మాతలకు థాంక్స్. చాలా మంచి సినిమా తీశాం. టీజర్ ట్రైలర్ ఇంకా ఆసక్తికరంగా వుంటాయి. ఇది ఖచ్చితంగా సూపర్ హిట్ అయ్యే సినిమా. ప్రేక్షకులకు నచ్చే అన్ని ఎలిమెంట్స్ ఇందులో వున్నాయి” అన్నారు.
మాళవిక సతీశన్ మాట్లాడుతూ.. తరుణ్ భాస్కర్ గారికి థాంక్స్. కాన్సెప్ట్ టీజర్ మీ అందరికీ నచ్చడం ఆనందంగా వుంది. నాపై నమ్మకంతో ఈ చిత్రంలో అవకాశం ఇచ్చిన దర్శక నిర్మాతలకు కృతజ్ఞతలు. తప్పకుండా ఈ చిత్రం మీ అందరినీ అలరిస్తుంది” అన్నారు.
సంతోష్ కంభంపాటి మాట్లాడుతూ.. తరుణ్ భాస్కర్ అన్న ఫిల్మ్ మేకింగ్ లో నాకు స్ఫూర్తి. ఆయన ఈ టీజర్ లాంచ్ చేయడం చాలా ఆనందంగా వుంది. ‘పారిజాత పర్వం’ చాలా మంచి ఎంటర్ టైనర్. తప్పకుండా మీ అందరికీ నచ్చుతుంది. ఇందులో కొత్తదనం కనిపస్తుంది. కిడ్నాప్ అనేది బయట క్రైమ్. కానీ మా సినిమాలో అది ఆర్ట్. అది ఎలా అనేది ఈ సినిమా యుఎస్పీ. తప్పకుండా ఈ సినిమా అందరినీ అలరిస్తుంది” అన్నారు.
రామజోగయ్య శాస్త్రి మాట్లాడుతూ.. నిర్మాతలు అభినందనలు. దర్శకుడు సంతోష్ చాలా క్లారిటీ వున్న దర్శకుడు. ఇందులో రెండు చక్కని పాటలు రాశాను. టీజర్ తరుణ్ భాస్కర్ గారు లాంచ్ చేయడం ఆనందంగా వుంది. మేము కూడా కీడాకోలా లాంటి విజయాన్ని అందుకుంటామనే నమ్మకం వుంది. అన్ని ఎలిమెంట్స్ వున్న సినిమా ఇది. తప్పకుండా అందరినీ అలరిస్తుంది” అన్నారు. ఈ వేడుకలో హర్ష, మురళీధర్ గౌడ్, శశాంక్ మిగతా యూనిట్ సభ్యులు పాల్గొన్నారు.
బాల సరస్వతి కెమరామెన్ గా పని చేస్తున్న ఈ చిత్రానికి రీ సంగీతం అందిస్తున్నారు. సశాంక్ వుప్పుటూరి ఎడిటర్ గా ఉపేందర్ రెడ్డి ఆర్ట్ డైరెక్టర్ గా పని చేస్తున్న ఈ చిత్రానికి అనంత సాయి సహా నిర్మాత.
తారాగణం: సునీల్, శ్రద్ధా దాస్, చైతన్య రావు, మాళవిక సతీశన్, వైవా హర్ష, శ్రీకాంత్ అయ్యంగార్, సురేఖ వాణి, సమీర్ , గుండు సుదర్శన్ , జబర్దస్త్ అప్పారావు, టార్జాన్ , గడ్డం నవీన్, తోటపల్లి, మధు, జబర్దస్త్ రోహిణి
సాంకేతిక విభాగం :
రచన, దర్శకత్వం – సంతోష్ కంభంపాటి
ప్రొడక్షన్: వనమాలి క్రియేషన్స్
నిర్మాతలు : మహీధర్ రెడ్డి, దేవేష్
సహ నిర్మాత -అనంత సాయి
డీవోపీ-బాల సరస్వతి
సంగీతం-రీ
ఎడిటర్- సశాంక్ వుప్పుటూరి
ఆర్ట్ డైరెక్టర్ – ఉపేందర్ రెడ్డి
డిజైనర్ – చిన్మయి కాకిలేటి
పబ్లిసిటీ డిజైనర్ – అనంత్ కంచెర్ల
సౌండ్ ఎఫెక్ట్స్- పురుషోత్తం రాజు
సాహిత్యం-రామజోగయ్య శాస్త్రి, కిట్టు విస్సాప్రగడ, సాయి కిరణ్, రాంబాబు గోసాల
పీఆర్వో -వంశీ శేఖర్