KH237 మూవీ దర్శకులుగా మాస్టర్స్ అన్బరివ్

ఉలగనాయగన్ కమల్ హాసన్, రాజ్ కమల్ ఫిల్మ్స్ ఇంటర్నేషనల్‌, మోస్ట్ ఎవైటెడ్ పాన్ ఇండియా ప్రాజెక్ట్ KH237కు దర్శకులుగా మాస్టర్స్ అన్బరివ్

ఉలగనాయగన్ కమల్ హాసన్, ప్రస్తుతం దిగ్గజ దర్శకుడు మణిరత్నం డైరెక్షన్ లో మోస్ట్ అవైటెడ్ గ్యాంగ్ స్టర్ యాక్షనర్ థగ్ లైఫ్ చేస్తున్నారు. ప్రస్తుతం ఈ చిత్రం షూటింగ్ జరుగుతోంది.

మరోవైపు కమల్ హాసన్ మోస్ట్ ఎవైటెడ్ పాన్ ఇండియా ప్రాజెక్ట్ KH237 కు సంబధించిన ఓ క్రేజీ అప్డేట్ ఇచ్చారు. KH237కు ప్రముఖ యాక్షన్ కొరియోగ్రాఫర్‌లు అన్బరివ్(అన్బుమణి, అరివుమణి) దర్శకత్వం వహిస్తున్నారు.

ఈ విషయాన్ని కమల్ హాసన్ తెలియజేస్తూ.. ఇద్దరు ప్రతిభావంతులు, వారి కొత్త అవతార్‌లో KH237 దర్శకులుగా చేరడం గర్వంగా ఉంది. మాస్టర్స్ అన్బరివ్… రాజ్ కమల్ ఫిల్మ్స్ ఇంటర్నేషనల్‌కి తిరిగి స్వాగతం అని ట్వీట్ చేశారు.

కమల్ హాసన్, ఆర్ మహేంద్రన్ తమ రాజ్ కమల్ ఫిల్మ్స్ ఇంటర్నేషనల్ బ్యానర్ పై ఈ చిత్రాన్ని నిర్మిస్తున్నారు. త్వరలోనే మరిన్ని వివరాలు తెలియజేయనున్నారు మేకర్స్.