లావణ్య త్రిపాఠి ఇంటర్వ్యూ

Published On: July 6, 2022   |   Posted By:

హ్యాపీ బర్త్ డే చాలా ఎక్సయిటింగ్ గా వుంటుంది: లావణ్య త్రిపాఠి ఇంటర్వ్యూ

స్టార్ హీరోయిన్ లావణ్య త్రిపాఠి ప్రధాన పాత్రలో మత్తువదలరా ఫేమ్ రితేష్ రానా దర్శకత్వంలో క్లాప్ ఎంటర్టైన్మెంట్, మైత్రీ మూవీ మేకర్స్ బ్యానర్స్ పై నవీన్ యెర్నేని, రవిశంకర్ యలమంచిలి సమర్పణలో చిరంజీవి(చెర్రీ), హేమలత పెదమల్లు నిర్మించిన సర్రియల్ యాక్షన్ కామెడీ ఎంటర్టైనర్ హ్యాపీ బర్త్ డే. జూలై 8న ప్రపంచవ్యాప్తంగా విడుదలౌతున్న నేపధ్యంలో హీరోయిన్ లావణ్య త్రిపాఠి మీడియాతో మాట్లాడారు. లావణ్య పంచుకున్న హ్యాపీ బర్త్ డే చిత్ర విశేషాలివి.

విలేకరి: మొదటి సారి గన్ పట్టుకోవడం ఎలా అనిపించింది ?

లావణ్య త్రిపాఠి: కొత్తగా అనిపించింది. జోనర్, కథ, కథనం అన్నీ కొత్తగా వుంటాయి. సినిమా అద్భుతంగా వచ్చింది. నేను సహజంగానే జిమ్, బాక్సింగ్ చేస్తాను. కానీ మొదటిసారి స్క్రీన్ పై యాక్షన్ చూపించే అవకాశం హ్యాపీ బర్త్ డే తో దక్కింది.

విలేకరి: హ్యాపీ బర్త్ డే ఎలా వుంటుంది ?

లావణ్య త్రిపాఠి : హ్యాపీ బర్త్ డే ఖచ్చితంగా బ్లాక్ బస్టర్ అవుతుంది. ఇందులో హ్యాపీ అనే పాత్ర చేశాను. హ్యాపీ బర్త్ డే కథలో కీలకంగా వుంటుంది

విలేకరి: రితేష్ రానా కథ చెప్పినపుడు మీకు నచ్చిన అంశం ?

లావణ్య త్రిపాఠి: కథ ఐడియా చాలా నచ్చింది. చాలా కొత్త జోనర్. సర్రియల్ వరల్డ్ థాట్ చాలా ఎక్సయిట్ చేసింది. మైత్రీ మూవీ మేకర్స్ నిర్మాణంలో సినిమా చేయడం ఇంకా ఆనందం.

విలేకరి: మీరు కామెడీ సినిమాలు చేయడం తక్కువే మొదటిసారి ఇలాంటి డిఫరెంట్ కామెడీ సినిమా చేయడం ఎలా అనిపించింది?

లావణ్య త్రిపాఠి: నన్ను చాలా మంది సీరియస్ పర్శన్ అనుకుంటారు. నేను చేసిన పాత్రలు కూడా అలా వుండటం వలన ఆ అభిప్రాయం వచ్చివుండోచ్చు. కానీ నేను చాలా జోవియల్ గా వుంటాను. సరదాగా అందరితో జోక్స్ వేయడం నాకు ఇష్టం హ్యాపీ పాత్ర చేయడం చాలా ఈజీగానే అనిపించింది. పాత్రలో చాలా ఫన్ వుంది ఇందులో ఫోర్స్ కామెడీ వుండదు హ్యాపీ బర్త్ డే అందరినీ నవ్విస్తుంది.

విలేకరి: టైటిల్ రోల్ లో సినిమా రావడం ఎలా అనిపించింది?

లావణ్య త్రిపాఠి: ఫీమేల్ ఓరియెంటెడ్ అనగానే చాలా సీరియస్ గా వుండే పాత్రలే వస్తుంటాయి. కానీ ఇలాంటి ఎంటర్ టైనర్ లో లీడ్ రోల్ రావడం ఆనందం. రితేష్ రానా నన్ను ఒక ఇంటర్వ్యూ లో చూసి హ్యాపీ పాత్రని రాశారు. ఈ విషయంలో చాలా లక్కీగా ఫీలౌతున్నా.

విలేకరి: ఇప్పటి వరకూ మీరు చేసిన పాత్రలలో సవాల్ గా అనిపించిన పాత్ర?

లావణ్య త్రిపాఠి: మొదటి సినిమా అందాల రాక్షసిలో మిథున పాత్ర చేసినప్పుడు నటన నాకు కొత్త. ఈ సినిమాలో ది బెస్ట్ ఇవ్వడానికి ప్రయత్నించాను. తర్వాత చేసిన పాత్రలన్నీ కేక్ వాక్ లానే చేశాను ఐతే చాలా రోజుల తర్వాత మళ్ళీ హ్యాపీ పాత్ర నాకు చాలా కొత్తగా అనిపించింది. ఇందులో నా బెస్ట్ ఇవ్వడానికి ప్రయత్నించా హ్యాపీ పాత్ర మీ అందరికీ నచ్చుతుంది.

విలేకరి: హ్యాపీ పాత్ర సవాల్ గా అనిపించిందా?

లావణ్య త్రిపాఠి: హ్యాపీ పాత్ర చాలా ఎంజాయ్ చేస్తూ చేశాను మేకప్ మాత్రం కొంచెం కష్టంగా అనిపించింది. అలాగే గన్స్ ని క్యారీ చేయడం కూడా కొంచెం కష్టం అనిపించింది. ఒకొక్క గన్ 9 కేజీలు వరకూ వుంటుంది. దాన్ని మోస్తూ షూట్ చేయడం అంత సులువు కాదు. (నవ్వుతూ)

విలేకరి: మీ మొదటి సినిమా రాజమౌళి గారు ప్రజంట్ చేశారు.. ఈ సినిమా ట్రైలర్ రిలీజ్ కి ఆయన మళ్ళీ వచ్చారు ఎలా అనిపించిది?

లావణ్య త్రిపాఠి: రాజమౌళి గారు రావడం చాలా ఆనందంగా అనిపించింది. రాజమౌళి గారు టీం అందరిలో ఒక పాజిటివ్ ఎనర్జీ నింపారు.

విలేకరి: పదేళ్ళ కెరీర్ లో టాప్ లీగ్ లోకి చేరుకోలేదనే భావన ఉందా?

లావణ్య త్రిపాఠి: పదేళ్ళుగా ఇండస్ట్రీలో ఉన్నాను అదే గొప్ప ఆనందం అందరూ నెంబర్ వన్ కి వెళ్ళాలని వుండదు కదా. నా వర్క్ ని ఎంజాయ్ చేస్తున్నాను. ఎలాంటి ఒత్తిడి తీసుకొను మనసుకు నచ్చిన పాత్రలు చేస్తున్నాను. హ్యాపీ పాత్ర కూడా చాలా అద్భుతంగా వుంటుంది నా ప్రయాణం సంతృప్తికరంగా వుంది.

విలేకరి: సినిమాలు తగ్గించేస్తూన్నారని అనిపిస్తుంది దాదాపుగా ఏడాది కి ఒకే సినిమా చేయడానికి గల కారణం?

లావణ్య త్రిపాఠి: నేను చాలా కథలు వింటాను కానీ కథల ఎంపికలో కొంచెం పర్టిక్యులర్ గా వుంటాను. ఒక నటిగా బలమైన పాత్రలు చేయాలనీ అనుకుంటాను చేసిన పాత్రలే చేయడం నాకు నచ్చదు. బహుశా దీని వలన సినిమాలు తగ్గించినట్లు అనిపించవచ్చు.

విలేకరి: క్రైమ్ కామెడీ చాలా వచ్చాయి కదా హాప్పీ బర్త్ డే లో  క్రైమ్ కామెడీని ఎలా మిక్స్ చేశారు?

లావణ్య త్రిపాఠి: హ్యాపీ బర్త్ డే సర్రియల్ ప్రపంచంలో జరుగుతుంది. ఆ ప్రపంచానికి ఎలాంటి హద్దులు వుండవు. ఇది ఎలా సాధ్యం అనే ప్రశ్న వుండదు ఎందుకంటే అది ఊహజనితం హ్యాపీ బర్త్ డేలో ఇది యునిక్ గా వుంటుంది.

విలేకరి: మైత్రీ మూవీ మేకర్స్ నిర్మాణంలో పని చేయడం ఎలా అనిపించింది?

లావణ్య త్రిపాఠి: క్లాప్ ఎంటర్టైన్మెంట్, మైత్రీ మూవీ మేకర్స్ బ్యానర్స్ తో కలసి పనిచేయడం ఆనందంగా వుంది. చెర్రీ గారు అద్భుతమైన నిర్మాత సినిమా నిర్మాణంలో ఎక్కడా రాజీపడలేదు. హ్యాపీ బర్త్ డే ని ఉన్నత నిర్మాణ విలువలతో తీర్చిదిద్దారు.

విలేకరి: హ్యాపీ బర్త్ డే లో హీరో ఎవరు?
లావణ్య త్రిపాఠి: హ్యాపీ బర్త్ డే విమెన్ సెంట్రిక్ సినిమా కాదు ఇందులో పాత్రలన్నీ హీరోలే క్యారెక్టర్ బేస్డ్ కథ ఇది.

విలేకరి: భవిష్యత్ లో ఎలాంటి పాత్రలు చేయాలని వుంది?

లావణ్య త్రిపాఠి: నేను ఏదీ ప్లాన్ చేసుకోను ఇలాంటి పాత్రలే చేయాలని అలోచించను. అయితే నాకు యాక్షన్ సినిమాలు చేయడం ఇష్టం.

విలేకరి: కొత్తగా చేస్తున్న సినిమాలు ?

లావణ్య త్రిపాఠి: తమిళ్ లో అథర్వ తో ఓ సినిమా చేస్తున్నా ఇది దాదాపు ఫినిష్ అయ్యింది.

విలేకరి: అల్ ది బెస్ట్

లావణ్య త్రిపాఠి: థాంక్స్