మాన్షన్ 24 వెబ్ సిరీస్ ట్రైలర్ లాంఛ్ కార్యక్రమం
ఘనంగా ఓంకార్ హారర్ థ్రిల్లర్ మాన్షన్ 24 ట్రైలర్ లాంఛ్ కార్యక్రమం
రాజు గారి గది సిరీస్ సినిమాలతో ప్రేక్షకుల్ని హారర్ కామెడీతో ఆకట్టుకున్న దర్శకుడు ఓంకార్ ఈసారి మాన్షన్ 24 అనే సరికొత్త హారర్ వెబ్ సిరీస్ తో రాబోతున్నారు. హాట్ స్టార్స్ స్పెషల్స్ గా డిస్నీ ఫ్లస్ హాట్ స్టార్ లో ఈ వెబ్ సిరీస్ స్ట్రీమింగ్ కానుంది. మాన్షన్ 24లో వరలక్ష్మి శరత్ కుమార్, అవికా గోర్, బిందు మాధవి, నందు, మానస్, అయ్యప్ప పి.శర్మ, రావు రమేష్ తదితరులు కీలక పాత్రల్లో నటిస్తున్నారు. మాన్షన్ 24 ట్రైలర్ లాంఛ్ కార్యక్రమం హైదరాబాద్ లో ఘనంగా జరిగింది. ఈ కార్యక్రమంలో దర్శకుడు అనిల్ రావిపూడి అతిథిగా పాల్గొన్నారు. ఈ సందర్భంగా
మ్యూజిక్ డైరెక్టర్ వికాస్ బాడిస మాట్లాడుతూ మాన్షన్ 24 సినిమాకు పనిచేయడం కొత్త ఎక్సీపిరియన్స్ ఇచ్చింది. వెస్ట్రన్, క్లాసికల్, రస్టిక్ ఇలా అన్ని జానర్స్ మ్యూజిక్ చేసే అవకాశం ఈ ఒక్క సిరీస్ తో నాకు దొరికింది. ఇది మల్టీ జానర్ వెబ్ సిరీస్ అని చెప్పాలి. నాకు మాన్షన్ 24కు పనిచేసే అవకాశం ఇచ్చిన డైరెక్టర్ ఓంకార్ గారికి థ్యాంక్స్. అన్నారు.
ఆర్ట్ డైరెక్టర్ అశోక్ కుమార్ మాట్లాడుతూ ఓంకార్ తో గతంలో ఎన్నో టీవీ షోస్, ప్రోగ్రామ్స్ కు వర్క్ చేశాను. ఈ వెబ్ సిరీస్ లో ఆర్ట్ వర్క్ కూడా ఒక క్యారెక్టర్ లా ఉంటుంది. చాలా వేరియేషన్స్ ఉన్న ఆర్ట్ వర్క్ చేశాం. ఓంకార్ కన్విక్షన్ ఉన్న డైరెక్టర్. అతన్ని చూస్తే గర్వంగా అనిపిస్తుంటుంది. మాన్షన్ 24 వెబ్ సిరీస్ మంచి సక్సెస్ అవ్వాలని కోరుకుంటున్నా. అన్నారు
డీవోపీ బి. రాజశేఖర్ మాట్లాడుతూ టాలీవుడ్ తో నాకు 22 ఏళ్ల అనుబంధం ఉంది. ఇక్కడ ఆరెంజ్, ఆర్య 2 వంటి బిగ్ మూవీస్ కు వర్క్ చేశాను. మాన్షన్ 24 కోసం ప్యాషనేట్ క్రూ పనిచేసింది. 24 క్రాఫ్ట్స్ నుంచి ప్రతి ఒక్కరి ఇష్టంతో కష్టపడి పనిచేశారు. ఉదయం కాఫీతో షూట్ మొదలైతే మళ్లీ ఉదయం కాఫీతో ముగిసేది. 48 రోజుల షెడ్యూల్ లో అలా 40 రోజులు పనిచేశాం. ఈ సిరీస్ ను చాలా డీటెయిల్డ్ గా తెరకెక్కించారు ఓంకార్. షూటింగ్ టైమ్ లో టీమ్ వర్క్ చేయించుకుంటారు ఓంకార్. ఆయనతో పనిచేయడం హ్యాపీగా ఉంది. అన్నారు.
దర్శకుడు ఓంకార్ మాట్లాడుతూ మా కార్యక్రమానికి అతిథిగా వచ్చిన డైరెక్టర్ అనిల్ గారికి థ్యాంక్స్. ఆయనతో నాకు పటాస్ సినిమా నుంచి పరిచయం. అప్పటి నుంచి ఒక్కో హిట్ అందుకుంటూ ఇవాళ స్టార్ డైరెక్టర్ అయ్యారు. ఎంత ఎదిగినా చిన్న సినిమాలకు, సిరీస్ లకు గెస్ట్ గా వస్తూ తన వంతు సహకారం అందిస్తున్నారు. ఆయన భగవంత్ కేసరి పెద్ద హిట్ కావాలని కోరుకుంటున్న. వెబ్ సిరీస్ అంటే టీవీ ప్రోగ్రాంకు ఎక్కువ, సినిమాకు తక్కువ అనే ఇంప్రెషన్ ప్రేక్షకుల్లో ఉంది. అయితే ఇప్పుడు ట్రెండ్ మారుతోంది. కొద్ది రోజుల్లోనే ఓటీటీ రీచింగ్ మరింత పెరుగుతుంది. అలాంటి రైట్ టైమ్ లో నేను మాన్షన్ 24 వెబ్ సిరీస్ తో ఎంట్రీ ఇస్తున్నా అనుకుంటున్నాను. ఈ వెబ్ సిరీస్ కాంప్రమైజ్ కాకుండా తెరకెక్కించేందుకు డిస్నీ హాట్ స్టార్ తో పాటు మా టెక్నీషియన్స్, ఆర్టిస్టులు ఎంతో సపోర్ట్ చేశారు. డీవోపీ మనోజ్, ఆర్ట్ డైరెక్టర్ అశోక్ గారు, మ్యూజిక్ చేసిన వికాస్ ఇలా వీళ్లంతా ఫిల్లర్స్ లా ఉన్నారు. ఆర్టిస్టులంతా బాగా సపోర్ట్ చేశారు. వరలక్ష్మి గారు మనకు క్రాక్, వీరసింహారెడ్డిలో ఎంతో పవర్ ఫుల్ గా కనిపించారు. కానీ ఆమె పర్సనల్ గా సాఫ్ట్. ప్రాజెక్ట్ నచ్చితే ఎంతైనా ఇన్వాల్వ్ అయి సపోర్ట్ చేస్తారు. వరలక్ష్మి గారు ఉన్న బిజీలో సాయంత్రం 6 గంటలకు సెట్ నుంచి వెళ్లిపోవచ్చు. కానీ క్లైమాక్స్ టైమ్ లో రాత్రి 12, ఒంటిగంట వరకు వర్క్ చేశారు. నార్త్ తో చూస్తే మనకు తెలుగులో వెబ్ సిరీస్ లకు బడ్జెట్ రెస్ట్రిక్షన్స్ ఉన్నాయి. అందుకే తక్కువ టైమ్ లో మంచి ఔట్ పుట్ కోసం ఫుల్ డేస్ వర్క్ చేశాం. ఉదయం 6 గంటల నుంచి షూట్ స్టార్ట్ చేసి మళ్లీ ఉదయం 6 గంటల వరకు షూటింగ్ చేసేవాళ్లం. నాకు బలం నా తమ్ముళ్లు కల్యాణ్, అశ్విన్. వాళ్లు లేకుంటే నేను ఈ స్టేజీ మీద ఉండేవాడిని కాదేమో. అలాగే నా డైరెక్షన్ డిపార్ట్ మెంట్, ఇతర టీమ్ మెంబర్స్ అందరికీ థాంక్స్. మాన్షన్ 24 లోని ఆరు ఎపిసోడ్స్ కంటిన్యూగా చూసేంత ఇంట్రెస్టింగ్ గా ఉంటాయి. ప్రతి ఎపిసోడ్ ఒక హుక్ పాయింట్ తో ఎండ్ అవుతుంది. ఫ్యామిలీ అంతా కలిసి చూడొచ్చు. కోవిడ్ టైమ్ లో నేను టీవీ ప్రోగ్రామ్స్ పైనే దృష్టి పెట్టాను. కోవిడ్ లేకుంటే మరో సినిమా చేసేవాడిని. జానర్ మార్చి సినిమాలు చేయబోతున్నా. హారర్ జానర్ కాకుండా నేను చేయబోయే కొత్త సినిమా ఒకటి డిస్కషన్స్ లో ఉంది. అన్నారు.
డైరెక్టర్ అనిల్ రావిపూడి మాట్లాడుతూ మాన్షన్ 24 సిరీస్ ట్రైలర్ బాగుంది. ఈ సిరీస్ కు మంచి టెక్నీషియన్స్, ఆర్టిస్ట్స్ కుదిరారు. వీళ్లలో చాలా మంది నాకు తెలుసు. వరలక్ష్మి గారు లీడ్ రోల్ చేశారు. ఆమె నాంది, క్రాక్, వీరసింహారెడ్డి ఇలా ప్రతి సినిమాతో వేరియేషన్స్ ఉన్న క్యారెక్టర్స్ చేస్తున్నారు. ఆమెను లేడీ ఎస్వీఆర్ పిలవొచ్చు. ఓంకార్ నాకు పటాస్ టైమ్ నుంచి పరిచయం. ఆయన ఓటీటీ ఎంట్రీ ఇస్తున్న మాన్షన్ 24 సిరీస్ హిట్ ఇవ్వాలి. అశ్విన్ నాకు మంచి ఫ్రెండ్. ఓంకార్ సినిమాలు కూడా కంటిన్యూ చేయమని కోరుతున్నా. అలాగే మీ బ్రదర్స్ మధ్య ఉన్న అనుబంధంతో ఓ ఫ్యామిలీ ఎంటర్ టైనర్ చేయాలని కోరుతున్నా. అన్నారు.
హీరో అశ్విన్ బాబు మాట్లాడుతూ మా కార్యక్రమానికి అతిథిగా వచ్చిన అనిల్ రావిపూడి గారికి థ్యాంక్స్. ఆయన భగవంత్ కేసరి వర్క్స్ లో బిజీగా ఉన్నా మా కోసం వచ్చారు. అన్నయ్య ఓంకార్ తో వెబ్ సిరీస్ చేసే అవకాశం కల్పించిన డిస్నీ ఫ్లస్ హాట్ స్టార్ కు బిగ్ థ్యాంక్స్. ఇవాళ అన్నయ్య ఓంకార్ బర్త్ డే. ఆయనకు బర్త్ డే విశెస్ చెబుతున్నా. ఈ సిరీస్ ఒక ప్రొడ్యూసర్ గా కాదు ఆడియెన్ గా నాకు బాగా నచ్చింది. టీవీలో అన్నయ్యని ప్రేక్షకులు ఆదరించారు. అలాగే సినిమాల్లో రాజు గారి గది మూవీస్ తో సక్సెస్ ఇచ్చారు. మాన్షన్ 24 వెబ్ సిరీస్ తో కూడా అన్నయ్య తనకంటూ ఓ మార్క్ క్రియేట్ చేసుకోవాలని కోరుకుంటున్నా. అన్నారు.
నటి వరలక్ష్మి శరత్ కుమార్ మాట్లాడుతూ మాన్షన్ 24 సిరీస్ లో నాకు మంచి క్యారెక్టర్ ఇచ్చారు ఓంకార్. ఈ వెబ్ సిరీస్ లో నటించడం హ్యాపీగా ఉంది. హారర్ థ్రిల్లర్ కథకు మంచి మ్యూజిక్ చాలా అవసరం. అలాంటి సౌండింగ్ ఇచ్చారు మ్యూజిక్ డైరెక్టర్ వికాస్, అలాగే ఒక్కో ఎపిసోడ్ కు ఒక్కో టైప్ ఆర్ట్ వర్క్ చేశారు అశోక్ గారు. డీవోపీ మనోజ్ నాకు చాలా కాలంగా పరిచయం. ఈ సిరీస్ కు బ్యూటిఫుల్ ఫ్రేమ్స్ చూపించారు. డైరెక్టర్ ఓంకార్, డీవోపీ మనోజ్ పర్పెక్షనిస్టులు. ఫ్రేమ్ లో ఏ చిన్న తేడా ఉన్నా..ఆ సీన్ మళ్లీ చేస్తారు. ఇవాళ ఓంకార్ గారి బర్త్ డే. ఇలాంటి మంచి ట్రైలర్ ను ఆయన బర్త్ డే రోజున రిలీజ్ చేశాం. నాకు ట్రైలర్ బాగా నచ్చింది. మాన్షన్ 24 పెద్ద సక్సెస్ కావాలని కోరుకుంటున్నా. అన్నారు.
నటీనటులు
వరలక్ష్మి శరత్ కుమార్, సత్యరాజ్, అవికా గోర్, బిందు మాధవి, అర్చనా జాయిస్, శ్రీమాన్, రావు రమేష్, అమరదీప్, నందు, అయ్యప్ప పి.శర్మ, మానస్, తులసి, జయప్రకాశ్, రాజీవ్ కనకాల, అభినయ, బాహుబలి ప్రభాకర్, విద్యుల్లేఖ రామన్, ఛత్రపతి శేఖర్, సూర్య, నళిని, శ్రద్ధా దాంగర్
టెక్నికల్ టీమ్ :
ఎడిటర్ ఆది నారాయణ్
డీవోపీ బి. రాజశేఖర్
బ్యానర్ ఓక్ ఎంటర్ టైన్ మెంట్స్
నిర్మాతలు ఓంకార్, అశ్విన్ బాబు, కల్యాణ్ చక్రవర్తి
దర్శకత్వం ఓంకార్
